Manang Calla Utang

View previous topic View next topic Go down

Manang Calla Utang

Post  uniqorn on Sat Mar 27, 2010 8:41 am

Manang Calla Utang

Kinsenas, katapusan, adaak manen dita ruangan. Saan nga burburtia, kunak kenka, ta ammo tay met amin no ania dayta. Oy! Han ka man nga agin-kukuna. Dim kuna maysa ka naisalsalumina. Malaksid a gayam nu sika ti addadta ruangan tunggal kinsenas katapusan, mangur-uray ken ni Ninoy a maikissay ta listaan.

Wen, usto ka, utang ti innak isaw-sawang.

No makitam ni Nana Calla (Utang) nga mapan makitienda, nagkamali ka nu kunam a napan gimmatang. Napan ketdi a immutang ti pag-silpo ti kilabban. A, ta ti kultura tayo uray lima pisos nga asin ket mautang ken ti pilosopya tayo, napipia langen ngem diay dumawat lattan.

Pangiyarigak man ti utang kabsat ket kasla tay oxygen nga inda isaksak no ada maiyospital nga agtungtunglab. Kas man silpo ti anges ti kaaduan nga iti kuarta ket napaidaman.

Adda met daydiay daduma, uray adda kuarta da, basta mautang, utang latta. Namaymayat siguro no ti kuarta ket kaulesda, imbes nga ibayadda. No maminsan ket uray haan da a masapul, utang la ketdi, sige latta uray ton nu agung-unget ni lakayda. Nia pay aya ket nakalistan ken Nana.

Dagitay met natured ti karadkad na, ikarida tallo bulan a sweldo da mapabus-uyan lang ti lang-ay da. Uray awan kanen da basta adda pagardiod da. Ala bay-amon ti agtunganga, no tiempo ti panangan, ti lamisaan, lamisaan to lattan a nai-kwadro, innapuy ken inutang nga asin ken nakamisuot nga daing ti kasinango.

No dumteng ti aldaw a niakeddeng, ni Nana Tin Dera nakaigpil ti bassit a listaan na. Ah nagasat ka Nana no ma-one click mo data, a ta no dimteng ti aldaw panag-babayad, adunton ti rason da. Umanay ton a pag-riringgoran, a ta ni utang ket inna metten tallikudan. No daduma, no ania ti nag-tulagan, dinton masurutan.

Manunto nga aldaw na Nana Calla (Utang) kumkumleb diay innaladan, kas man tay tiempo ti Hapon, uray sirok ti dalikan inna pang-lemmengan tapnu laeng utangna inna maitarayan. Tunggal agriing iti agsapa, bilinna kadagiti annak na, “no adda mang-birok kaniak, ibagam simmalogak.”

Ammom Nana Tin Dera, kadagitoy a panawen ni Nana Calla, nalaka makig-kigtot sika. Uray takki ti alutiit nga matnag, inna maalingaag. Uray ton grasya ti iyeg ti agap-apo, dinanton ikas-kaso. No agtaul tay aso agbuatit a mapan kumleb diay kasuksukan.

Ala bumaknang latta ti bumaknang, ket lumumlom latta tay nailumlom iti napitak ken napigket nga utang. Ta uray to ti presyo ket bimmalitok, sige latta utang…..

Maawatan tay met ketdi a nga no daduma ti kuarta adda naim-importante a pakai-yusaran na wenno kaaduana ket awan a talaga. Ta no awan met ag-pautang, naamak pay no ma-overload diay ayan ni San Pedro.

Ala huston nana Tin Dera attidog datoy ng istoryata. Adun ti nakapila. Naimbag lang no umay agbayad dagita. Ngem aguray ka….. 555 man dita, pakinayon mon dita lista.
[/b]
avatar
uniqorn

Posts : 2
Join date : 2010-03-26
Location : Timbukto

View user profile

Back to top Go down

Re: Manang Calla Utang

Post  kkvsflor on Sat Mar 27, 2010 9:36 am

kinsenas katapusan awan ton nabati sweldo,yay! Crying or Very sad Crying or Very sad
avatar
kkvsflor

Posts : 46
Join date : 2010-03-24
Age : 37
Location : hongkong

View user profile

Back to top Go down

Re: Manang Calla Utang

Post  sine-dab-24 on Fri Apr 02, 2010 2:10 am

this is a funny one...i love the use of pun. it's creative and well-written. always good to read stories written in Ilocano. It reminds me of my Bannawag days Smile

sine-dab-24

Posts : 3
Join date : 2010-04-02
Age : 32

View user profile http://gossipgirlts.blogspot.com/

Back to top Go down

Re: Manang Calla Utang

Post  kkvsflor on Fri Apr 02, 2010 7:31 am

and if i remember @sine you always hide those bannawags /liwayway and ddnt share until youve finish reading from cover to cover........
avatar
kkvsflor

Posts : 46
Join date : 2010-03-24
Age : 37
Location : hongkong

View user profile

Back to top Go down

Re: Manang Calla Utang

Post  sine-dab-24 on Fri Apr 02, 2010 8:18 am

@flor, ahahahahahaha..di naman...pero lola Trining before had this extensive collection of Bannawag and liwayway published in the 70s...i was kinda addicted sa comics part and the illustrations Smile they were really good to read...very entertaining.

sine-dab-24

Posts : 3
Join date : 2010-04-02
Age : 32

View user profile http://gossipgirlts.blogspot.com/

Back to top Go down

Re: Manang Calla Utang

Post  kkvsflor on Fri Apr 02, 2010 8:43 am

hahaha ....and i remember through this story,how you make "utang" using my name....when my list of utang came, then i noticed so many things in it that i ddnt take.....and in the end its you who got it.....so funny when remembering those old days......
avatar
kkvsflor

Posts : 46
Join date : 2010-03-24
Age : 37
Location : hongkong

View user profile

Back to top Go down

Re: Manang Calla Utang

Post  Sponsored content


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum